Menut
 Cors de lenga
Cors de provençau : entre-senhas a ieoarle@free.fr.
Adesion
Adesion de mandar au Ceucle occitan dau país d’Arle amé lo pagament
(chèque a l’òrdre dau Cercle occitan du pays d’Arles) Cotisacion per 2025 : - amé l’abonament a la revista de l’IEO, "Anem ! Occitans !" : Individuau : 30 € - Coble : 40 € - Estudiant : 12 € - Associacion : 38 €. - sensa l’abonament : Individuau : 15 € - Coble : 26 €. Vesitas
|
Liames
Se lo liame fonciona pas, contactatz lo Oebmèstre per l'entresenhar.
Lo portau de la cultura occitana : edicion, mèdias, musica, espectacle.
Site dau Centre internacionau de recerca e documentacion occitanas - Institut occitan de cultura : mediatèca occitana, bibliotèca virtuala Occitanica.
Lo CPLO es una institucion que representa lis actors e lis utilisaires de l'occitan. Otís en linha : diccionaris, basa toponimica, ...
Annuari en linha que recampa lis actors dau domèni occitan per l'economia, la cultura e lo torisme.
L'Institut d'Estudis Occitans es una associacion reconeguda d'utilitat publica, qu'a per tòca lo manten e lo desvelopament de la lenga e de la cultura occitanas dins son ensemble.
Archius de documents editats per l'IEO federau : brocaduras, lexics tematics, revista Anem Occitans ...
Lenga occitana, drechs linguistics e politica publica.
Una associacion nascuda en 1987 que recampa toti li personas qu'ensenhan la lenga d’Òc ò vòlon ajudar per son ensenhament dins leis establiments escolaris, publics e privats, ò dins lo mitan associatiu.
« Es pas vengut a degun l'idèa de tombar cap de catedrala. Nòstra lenga es mai qu'una catedrala. Alara donc perqué son tantes que s'afanan per la desboselar... »
Joan Bodon, Lo Libre dels Grands Jorns. « Peut-on sauver les langues en danger ? » « (…) la sauvegarde des langues en danger ne doit pas être l'affaire des seuls linguistes. La mort d'une langue précède souvent celle de toute une culture, dont elle est l'expression la plus directe. Considérer que la communication entre les peuples et surtout leur degré d'intercompréhension se verraient facilités par la réduction drastique du nombre de langues parlées dans le monde est un non-sens. La diversité culturelle est essentielle aux sociétés. (…) Alors, que faire, comment sauver ces langues en danger ? En premier lieu, en luttant contre l'indifférence générale qui entoure cette agonie linguistique. Lorsque des actions vigoureuses ont été entreprises, par exemple pour sauver le maori en Nouvelle-Zélande, il y a quelques années, elles ont été couronnées de succès. Encore faut-il que des associations internationales puissantes prennent conscience du problème, comme elles sont aujourd'hui convaincues de la nécessité de lutter contre l'érosion de la biodiversité. Au même titre que celle-ci, que le changement climatique ou que la désertification, la sauvegarde des langues en danger constitue un enjeu majeur pour notre avenir. » Alain Peyraube, L'Homme au 6000 langues, in Aux origines des langues et du langage, Fayard, 2006, p. 460-461. A. Peyraube es lingüista, director de recerca au CNRS e director d'estudis a l'Ecole des hautes études en sciences sociales. "Es pas ma lenga !"
Tròs
d'un tèxte (adaptat en occitan provençau) de Joan de
Cantalausa (1925-2006), de son nom vertadier Lois Combas. Era un
grand saberut, que parlava fòrça lengas e qu’a
viatjat dins bèn de país. En mai de seis escrichs
personaus, a revirat en occitan mai d'un autor (Giono, Daudet,
Kipling, Steinbeck...), leis Evangèlis, de bendas dessinadas
d'Asterix... En 2003 pareiguèt son Diccionari general
occitan (100 000 intradas).
« Es pas ma lenga ! » Ai jamai ausida aquela exclamacion dins ges de país que ne’n coneisse lo parlar. Ges d’Alemand, d’Anglés, de Portugués, ges d’Italian, d’Espanhòl, de Francés… me larguèt jamai aquela asenada en parlant d’un dialècte autre que lo sieu ; totei lei lengas an de dialèctes. Un dialècte es un biais de parlar un pauc diferent d’un dialècte vesin : un Marselhés parla pas lo francés coma un Lionés - pense a Marius e au M. Brun de Marcèu Pagnol - ; un Tolosan parla pas nimai lo francés coma un Auvernhat, nimai un Albigés coma un Parisenc… Vendriá pas a l’idèa de ges d’aquelei de bramar que comprend pas lo francés. Aquò vòu pas dire que i ague jamai quauque tòti que se trufe dau parlar deis autres, qu’avèm que de montar a París per ne’n faire l’experiéncia… Donc, de dialèctes n’i a dins totei lei lengas : una simpla diferéncia de mòts, d’expressions o d’intonacions. N’i a tant e mai en anglés, en alemand, en espanhòu… coma en occitan, entre doas regions diferentas, entre doas vilas mai o mens alunchadas e mai entre dos vilatges vesins. Perqué donc ausissèm tant sovent en cò nòstre : « Es pas ma lenga ! » quand un occitan critica una expression o una intonacion de son vesin ? Per çò que, coma totei leis illetrats dau monde entièr que parlan sa lenga sensa la saupre escriure ni legir, coneissèm que lei 350 o 450 tèrmes dau paure parlar estequit de cada jorn ; òc, que 350 o 450 tèrmes dau vocabulari occitan dei 450.000 mòts (derivats comprés). 450.000 ! Tant coma en anglés e dos còps mai qu’en francés. Lei chifras de 350 o 450 son l’estatistica oficiala establida per totei lei lengas deis illetrats dau monde entier que parlan sa lenga sensa la saupre escriure ni mai legir. Es nòstre cas, qu’aprengueriam pas l’occitan a l’escòla que nos enebissiá, a còps de punicions e de messòrgas, de contuniar a parlar nòstra lenga mairala-miracla, la primièra lenga europènca après lo latin. Es per aquela rason que, cada còp qu’un mòt occitan, o una expression, o una intonacion… revèrtan pas exactament nòstre biais de parlar, lo vergonhable « Es pas ma lenga !» nos escapa. Nos fau arestar de parlar ansin, que tot çò qu’es occitan es nòstre, que siegue de provençau, de gascon, de lemosin, d’auvernhat... o de lengadocian. De mai, nos fau comprene que lei 350 mòts deis obriers son pas lei 350 mòts d’un païsan, que lei 350 mòts de la montanha son pas lei 350 mòts de la mar... Se volèm
sauvar nòstra lenga, nòstra personalitat, nòstra
riquesa, nòstre avenidor (dise pas nòstre passat, que
lo passat es lo passat… e que fau pas agachar en arrier !) e
se volèm èstre quauqu’un e pesar sus lo futur, nos
fau arestar de dire que la lenga de nòstrei vesins es pas
nòstra lenga ! Lei 450 000 mòts occitans son lo
patrimòni comun de totei leis Occitans, de Culan a la Val
d’Aran, de Niça a Bordèu ... sensa oblidar nòstra
bessona Catalonha : 25 milions d’estatjants que, a la
diferéncia dei 380 000 Maltés, an ges d’estatut
lingüistic en Euròpa. Contuniar de nos cercar bregas e
garrolha seriá signar nòstra mòrt. |
visitaire en linha
Daut 
© 2004-2008 
Document generit en 1.13 segondas