Ceucle occitan dau país d'Arle

http://ieo.arle.free.fr/

L’occitan, qu’es aquò ?

L’occitan es una lenga venguda dau latin, coma lo francés, lo catalan, l’espanhòu, l’italian, lo portugués, … S’espandís sus un trentenat de despartaments dau Miegjorn de França, mai es tanbèn parlat en Italia (Piemont) e en Espanha (Vau d’Aran) onte es reconeigut coma lenga oficiala despuèi 2010.

Coma toti li lengas, l’occitan conèis de varietats dialèctalas segon l’endrech onte es parlada. Aqueli diferéncias se tròbon lo mai sovent dins lo biais de prononciar. Cada forma d’aquela lenga, orala ò escricha, es d’occitan en plen.

Per faire simple, li dialèctes occitans son soventi-fes apelats per lo nom de sa region (gascon, lengadocian, limosin, auvernhat, provençau) mai aqueu biais de li nomar es pauc pertinènt, que li confinas di dialèctes e di regions corespòndon gaire.