Menu
Exposicion Cesar
Dissate 27 de febrier a 16 oras : vesita comentada (provençau-francés) de l'exposicion « Cesar, lo Ròse per memòria » au musèu de l'Arle antic, per Felip Rigaud, istorian. Intrada : 5,5 euròs. Per se marcar, mandar un corrièu a : rigaud.p@wanadoo.fr.
Adesion
Adesion de mandar au Ceucle occitan dau país d’Arle ame lo pagament
(chèque a l’òrdre dau Cercle occitan du pays d’Arles)
Escotisson per 2010 ame l’abonament a la revista de l’IEO "Anem ! Occitans !" :
Individuau : 30 € - Coble : 38 € - Estudiant : 12 € - Associacion : 38 €.
Sensa l’abonament : Individuau : 15 € - Coble : 26 €.
Vesitas
|
Benvenguda au Ceucle occitan dau país d'Arle
Lo Ceucle occitan dau país d’Arle es una associacion afilhada a l’Institut d’estudis occitans. Fondat en 1945, l’IEO a per tòca d’aparar e d’espandir la lenga e la cultura occitanas. Fuguèt reconeigut d’utilitat publica en 1949 e agradat "Joinessa e espòrts" en 1981. L’IEO es representat dins la region per l'IEO-PACA e dins lo despartament per la seccion di Bocas de Ròse.
Lo Ceucle occitan dau país d’Arle a l’estigança d’intervenir sus tot çò que tòca a la lenga e a la cultura occitanas dins son entier e dins son biais especific au país d’Arle.
Coma lis autri lengas regionalas, l’occitan es un patrimòni menaçat. Es necessari – e urgènt – de crear un environament favorable a la transmission orala e escricha d’aquela lenga, dins l’ensinhament, dins li mediàs, dins la creacion artistica e literaria.
Lo Ceucle occitan dau país d’Arle es disponible per colaborar ame tota associacion, colectivitat ò entrepresa interessada per l’utilisacion d’aquela lenga.
Cors de provençau
Cors de provençau toti li diluns de 18 oras 15 a 20 oras a l'Ostau de la vida associativa. A gratis per lis adherènts. Se faire marcar au 04 90 96 04 30.
Rescòntre ame d’estudiants americans en Arle
Au mes de janvier, un grop d’estudiants de l’estat de l’Iowa (Estats-Units), acompanhat de sei professors de francés, es vengut dins l’encastre de seis estudis viure una setmana arlatenca per estudiar l’istòria de l’epòca gallo-romana e de l’Age Mejan. An demandat au Ceucle arlatenc du país d'Arle de i contar l’istòria de la lenga occitana dempuei son començament, çò qu’avèm fach a l’espaci universitari d’Arle. Puèi avem respondut a sei questions. En mai d’aquò nos an demandat de conversar ensems dins nòstra lenga, e eriam fièrs de veire que de joves e d'ensenhaires d’en delà de la « Mar Granda » fasián cas de la lenga e de la cultura nòstras. Nos an parlat de la situacion dei lengas indianas, pas mielhs tractadas dins son país que lei lengas regionalas en França. Après l’escambi de donas (CD de sa musica per nautrei, gramatica provençala e diccionari francés / provençau per sei professors), se siam desseparats, fòrça contents d’aqueu rescòntre, que se dèuriá refaire a l'escasènça d'un autre viage.
De libres en occitan e sus l'occitan en Arle
Au magasin « Musiques Arles - la Boutique des passionnés », 14 carrièra
Reattu, trobaretz una seleccion de libres en occitan e sus l’occitan.
Ame una ristorna de 5 % per lis aderènts dau Ceucle occitan.
| |
visitaires
Daut 
© 2004-2008 